Иако може да изгледа неверојатно, расположението на мајката, особено смеата, има директно влијание врз нероденото дете. Научните истражувања покажуваат дека емоциите минуваат низ телото и дека бебето во утробата го чувствува и реагира на расположението на мајката.
Кога бремената жена се смее, нејзините стомачни мускули се опуштаат и напнуваат, дијафрагмата вибрира, а срцето ѝ се забрзува. Телото доживува бран на позитивна енергија, а бебето чувствува ритмичко движење слично на нежно отскокнување.
Според „Фемили тудеј“, смеата е како „скокање на дувачки замок“, безбедно, забавно движење кое го стимулира бебето и го опушта нервниот систем на мајката.
д-р Камил Хофман, експерт за пренатална психологија, истакнува дека позитивното расположение на мајката за време на бременоста придонесува за здрав развој на нервниот систем на бебето. Нејзиното истражување покажува дека мајките кои чувствуваат поголема радост и помалку вознемиреност раѓаат деца со:
пониски нивоа на стрес,
подобра емоционална регулација,
поголема отпорност на животните предизвици.
Спротивно на тоа, хроничниот стрес за време на бременоста може негативно да влијае на менталното здравје на детето, да го зголеми ризикот од депресија во адолесценцијата и да го обликува нивниот темперамент.
Варијабилноста на срцевиот ритам (HRV) ја мери флексибилноста на срцето во реагирањето на стрес. Кај бремени жени кои се под стрес, срцето чука брзо и вкочането, додека мирната и среќна бремена жена покажува пофлексибилен ритам, што ѝ овозможува поефикасно да се справи со стресот. Овие промени директно влијаат и на бебето.
За време на ултразвукот, истражувачкиот тим на д-р Хофман забележал дека HRV кај мајките се подобрува штом го видат своето бебе на екранот. Кога мајката била смирена и задоволно, и бебето се смирувало.
Самото читање за ефектите од стресот врз фетусот може да ја зголеми анксиозноста кај бремените жени. Затоа е важно жените да не се обвинуваат себеси за моментите на напнатост. Стресот е нормален, а клучот е свесно да реагирате и да се вклучите во активности што ве смируваат и ве прават среќни.
The post Зошто смеењето за време на бременоста е важно за развојот на бебето appeared first on Во Центар.
Пронајдете не на следниве мрежи:
