Познатиот шпански тренер Пеп Гвардиола неодамна објави дека го напушта Манчестер Сити на крајот од оваа сезона.
Така, тој ќе го напушти „Етихад“ по 10 години, каде што освои шест титули во англиското првенство, како и Лигата на шампионите.
Во интервју за „Скај Спортс“, тој откри која одлука сè уште го мачи.
„Праќањето на Џо Харт на позајмица во Торино само неколку недели откако пристигнав во клубот сè уште ме мачи.
„Морам да признаам, жал ми е. Кога донесуваш многу одлуки, правиш грешки. Но, едно нешто ме мачи со години, а тоа е што не му дадов шанса на Џо Харт да биде со мене и да докаже колку е добар голман. Требаше да го направам тоа. Со сето должно почитување кон Клаудио и Еде, кои дојдоа и беа важни, во тој момент можев да кажам: добро, Џо, ајде да пробаме заедно. Ако не успее, добро, ќе се промениме. Но, се случи она што се случи. Животот е таков… Морам да донесувам одлуки и понекогаш тие не се фер“, рече Гвардиола.
За потсетување, Џо Харт е 39-годишен поранешен голман кој ја заврши кариерата во 2024 година и оттогаш работи како професионален коментатор. Тој играше за Шрусбери, Манчестер Сити, Транмир, Блекпул, Бирмингем, Торино, Вест Хем, Барнли, Тотенхем и Селтик, кој беше неговиот последен клуб пред неговото пензионирање.
Тој го имаше најдобриот период од својата кариера во дресот на Сити, за кој одигра 347 натпревари.
The post Гвардиола се отвори и ја призна својата најголема грешка во Сити: „Не требаше да го направам тоа, жал ми е“ appeared first on Во Центар.
