Фантастичниот голман на Аргентина, Емилијано Мартинез, го објави своето можно повлекување од националниот тим откако го загуби финалето на Светското првенство од Шпанија.
Доколку Шпанија не го беше освоила Светското првенство, Мартинез ќе беше херојот на финалето и најдобриот поединец. Тој ги излуди напаѓачите на Шпанија со 11 одбрани, со кои го одржа резултатот 0:0 и беше единствениот кој даде сè од себе во тоа финале.
Сепак, голманот на Астон Вила капитулираше во 106-тата минута од натпреварот и тоа го смачка. Тој напиша емотивна изјава на социјалните мрежи и го најави своето можно повлекување од репрезентацијата.
„Сонував повторно да го освојам Светското првенство, сонував повторно да го вратам трофејот во Аргентина и повторно да напишам историја. Искрено, болката е тешко да се опише со зборови. Сега морам да размислам за многу работи, да видам како да продолжам и да одлучам дали е време да се пензионирам“, вели популарниот Дибу.
Тој исто така додава дека дал сѐ од себе, што е навистина точно, бидејќи тој бил единствената причина зошто Аргентина не доживеала вистински потоп.
„Навистина ми е жал. Дадов сѐ од себе да им помогнам на мојата земја и на моите соиграчи“, заклучува Емилијано Мартинез.
Ова значи дека веројатно нема да го видиме Мартинез на следното Светско првенство во 2030 година, како што ќе биде случајот со неговиот најпознат колега Лионел Меси.
The post Единствениот Аргентинец кој даде сè во финалето размислува за збогување: „Болно е, можеби ќе се пензионирам“ appeared first on Во Центар.
