Зголемен број возила се регистрира на патиштата низ земјава, особено на делниците надвор од населените места, а поголема фреквенција на возила има и на граничните премини, информира Автомото сојузот на Македонија.

На ГП „Табановце“ се бележи задржување од околу 30 минути при излез од Македонија, додека, пак, најголемо чекање има на ГП „Богородица“, каде возачите и патниците во моментов се задржуваат околу еден час.

На останатите гранични премини од македонска страна засега нема подолги задржувања при влез или излез од државата.

Сообраќајот на државната патна мрежа генерално се одвива без поголеми проблеми, а коловозите се суви и проодни.

Од АМСМ апелираат до возачите да ја прилагодат брзината кон условите на патот и да ја почитуваат поставената сообраќајна сигнализација. Се препорачува дополнително внимание при движење низ котлините, речните долини и клисурите, каде што постои ризик од појава на одрони.