Еден од најдобрите фудбалери на сите времиња, Лионел Меси (39), официјално се пензионираше од дресот на аргентинската репрезентација.
Тој ја објави својата одлука преку Инстаграм, малку повеќе од еден месец откако „гаучосите“ беа поразени од Шпанија по продолженијата во финалето на Светското првенство во 2026 година. Иако веднаш по тоа финале подготви проштално писмо, неодамнешната смрт на неговиот татко Хорхе дополнително ја зајакна неговата намера да ја заврши својата репрезентативна кариера.
Во знак на благодарност за сè што даде на својата земја, Фудбалската асоцијација на Аргентина (АФА) одлучи да му оддаде навистина спектакуларна и необична почит.
The AFA has arranged for all matches across its men’s and women’s competitions on the next matchday to stop in the 10th minute for a minute of applause in recognition of Lionel Messi’s career with the Argentina national team pic.twitter.com/MwkYsflOu9— ESPN FC (@ESPNFC) September 2, 2026
Сите натпревари од осмото коло во сите натпреварувачки категории, вклучувајќи го женскиот фудбал, футсалот и фудбалот на плажа, ќе бидат накратко прекинати во десеттата минута од првото полувреме. Симболично, паузата ќе трае точно една минута, при што ќе им се додели громогласен аплауз на легендарните аргентински „десетки“.
Меси дебитираше за сениорската селекција на својата земја во 2005 година, станувајќи во меѓувреме апсолутен рекордер со 207 настапи, 125 голови и 68 асистенции.
Круната на неговата нереална кариера во репрезентацијата дојде во 2022 година со освојувањето на Светското првенство во Катар, а на својата богата колекција додаде две титули на Копа Америка и Финалисимо. На неговото последно Светско првенство во 2026 година, повторно ја предводеше Аргентина со осум гола и четири асистенции, но Шпанија сепак ја спречи одбраната на светскиот трон со голот на Феран Торес.
The post Невидена чест за големиот Меси, еве како Аргентинците решија да го испратат својот херој appeared first on Во Центар.
