Научниот директор на Националниот истражувачки центар за епидемиологија и микробиологија „НФ Гамалеја“ Александар Гинзбург денес изјави дека кај првиот пациент кој ја примил руската вакцина против рак не се откриени метастази.
„Тој веќе го заврши лекувањето. Сега е под редовен надзор на лекар кого ќе го посетува секој месец. Таквото следење ќе трае три години“, рече Гинзбург во интервју за весникот „Газета.ру“, како што објави РИА Новости.
Директорот на Националниот медицински истражувачки центар за радиологија при Министерството за здравство на Русија, Андреј Каприн, врши компјутеризирана томографија (КТ) со многу висока резолуција врз пациентот, со прецизност до десетинки од милиметар.
Посебно внимание се посветува на лимфните јазли , објасни Гинзбург.
„Сè е во ред со него. Според вчерашните резултати, не се откриени нови промени во ткивото“, рече тој.
Вакцината против рак , базирана на информациска РНК (mRNA) технологија, го насочува имунолошкиот систем така што тој ги препознава и уништува малигните тумори и метастазите.
За секој пациент се развива индивидуален препарат врз основа на неговите генетски податоци, бидејќи не постојат два идентични тумори, објасни Гинзбург.
Вакцината „НеоОнковак“ за прв пат беше дадена во април оваа година на пациент кој страдаше од меланом на кожата.
Проектот е развиен во соработка помеѓу Националниот медицински истражувачки центар за радиологија и Истражувачкиот центар „НФ Гамалеја“.
