Научниците често користат оптички илузии во кои предметите се движат, менуваат големина или боја, за да можат подобро да разберат како функционира нашиот мозок. Оптичките илузии се фасцинантни поради нивната способност да ја искриват реалноста и да предизвикаат луѓето да гледаат лажна слика.Но, научниците пронашле доказ дека еден посебен облик на оптичка илузија целосно е неефикасен кај луѓето коишто страдаат од шизофренија. Илузијата со шуплива маска, која здравите набљудувачи (односно повеќето луѓе) ја перцепираат како конвексна наместо конкавна, нема да ги прелаже луѓето коишто страдаат од шизофренија.
Тие веднаш ќе препознаат дека станува збор за конкавна маска. Просечен мозок го перцепира светот комбинирајќи го она што го гледа со очекувањата кои ги има од претходно.
Истражувачите Данаи Дима од Медицинскиот факултет во Хановер и Џонатан Роизер од УКЛА, ја проучувале мозочната активност на 16 здрави и 13 лица со шизофренија додека им прикажувале слика од маска.
„Во нашиот мозок се складирани разни сеќавања, па сите тие испливуваат на површина кога, на пример, ќе видиме некое лице“ – вели Дима.
Кога здрава личност ја гледа сликата, претходните сеќавања се поврзуваат со тоа што личноста го гледа во моментот. Таквата силна врска ѝ овозможува на личноста да ја перцепира илузијата, иако знае дека токму за тоа станува збор – за илузија.
Но, кај пациентите коишто стадаат од шизофренија, таа врска не е доволно цврста и тие ја гледаат сликата таква, каква што е, без претходни сеќавања.
Погледнете ја оптичката илузија:
Но, научниците пронашле доказ дека еден посебен облик на оптичка илузија целосно е неефикасен кај луѓето коишто страдаат од шизофренија. Илузијата
