Владата финансиски ќе ги награди фудбалерите и стручниот штаб на младинската репрезентација

Претседателот на Владата на Република Македонија за спроведување на изборите Емил Димитриев, денеска оствари средба со членовите, стручниот штаб и раководството на македонската младинска репрезентација во фудбал на која меѓу другото тој ги информираше дека Владата донела да ги награди во висина од 4 200 000 денари како симболичен чин на благодарност и покажување на поддршка од страна на државата за овој нивен спортски резултат.Премиерот Димитриев на присутните фудбалери и спортски работници им го честиташе големиот спортски успех и пласманот на европското младинско фудбалско првенство.
Тој истакна дека овој голем спортски резултат е од огромно значење за целото општество и за Република Македонија, и истовремено им заблагодари на фудбалерите и спортските работници за нивниот придонес во создавањето на позитивна атмосфера помеѓу сите граѓани. Димитриев истакна дека фудбалерите и спортските работници покажале правилен пример дека во бранењето на боите на државата не постојат разлики по однос на етничка, верска и било каква друга припадност, и дека таквиот пристап обезбедува позитивни резултати во секоја сфера од значење за граѓаните.
Претседателот на Владата ги информираше присутните дека Владата на денешната седница донесе одлука со која се обезбедуваат и доделуваат награди за играчите и членовите на стручниот штаб на младинската фудбалска репрезентација во износ од 4 200 000 денари, како симболичен чин на благодарност и покажување на поддршка од страна на државата за овој нивен спортски резултат. Тој истакна дека Владата во границите на своите ингеренции и надлежност, останува подготвена за понатамошна поддршка на младинската репрезентација во пресрет на подготовките и настапот на европското првенство за млади во фудбал, истовремено додавајќи дека Владата и понатаму ќе продолжи со инвестиции во спортската инфраструктура и со реализација на мерки за поддршка на спортот.

Претставниците на фудбалската федерација и младинската фудбалска репрезентација се заблагодарија за приемот и за искажаната поддршка, и изразија позитивни оценки за проектите кои Владата ги реализира за поддршка на спортот и фудбалот.
Димитриев им посака успех и среќа на фудбалерите и спортските работници за настапот на европското првенство, како и за развој на нивните индивидуални кариери.
Премиерот Димитриев на присутните фудбалери и спортски работници им го честиташе големиот спортски успех и пласманот на европското младинско фудбал

Пронајдете не на следниве мрежи: