За ручек предлагаме да направите најдобро до сега похувано бело месо полнето со варени јајца, кашкавал и шунка.
Похувањето е најпопуларниот вид на подготовка на бело месо. Најчесто се служи со помфрит и нема човек кој ќе одбие вака подготвено јадење. Доколку сте и вие љубител, тогаш пробајте го овој рецепт за похувано бело месо полнети со варени јајца, шунка и кашкавал. Вистински гурманлук кој вашето непце долго ќе го памети, а најдоброто од сѐ е што не ви треба ни прилог, но ако навистина сакате, доволна е салата.
Потребни состојки:
400 гр пилешко филе
100 гр шунка
100 гр пармезан
50 гр магдонос
100 гр кашкавал
100 гр моцарела (по избор)
2 јајца
сол
бибер
За похувањето:
2 јајца
1 лажица млеко
300 гр презла
2 лажици маслиново масло
За сосот:
150 гр јогурт
50 гр мајонез
30 гр сенф
3 чешниња лук
2 млади кромидчиња
1 виолетова главица кромид
Подготовка:
Сварете ги јајцата, а потоа излупете ги и исечете ги на четвртинки. Месото исечкајте го на тенки шницли, па покријте го со проѕирна фолија и изматете. Зачинете со сол и бибер од двете страни. Одозгора ставете ја шунката, ренданиот кашкавал, па четвртина од вареното јајце и по желба мало парче моцарела. Свиткајте, па валкајте во јајцата кои сте ги изматиле со млеко, па во презлата. Наредете ги во огноотпорен сад, па прелијте со маслиново масло. Печете на 180°C околу 40 минути. Измешајте јогурт, мајонез, сенф, толчен лук и ситно сечкан виолетов кромид и младо кромитче. Послужете со месото.
