Губењето на тежината не е едноставен процес, а она што функционира за вашите пријатели можеби нема да ви одговара и вам. Сите ние имаме различни потреби за енергија, а полот, физичката активност и годините се само дел од факторите кои влијаат на тоа колку калории дневно ви се потребни.
Добрата вест е дека ако се обидувате да го согорите салото на стомакот и да изгубите на тежина, калориите се само еден фактор кој треба да се земе предвид. Квалитетот на храната, составот на нутритиентите, времето на оброците и грицките, исто така, имаат големо влијание врз вашиот струк.
Количината и видот на вежбаа што ја правите, нивото на стрес и квалитетот на сонот дополнително играат клучна улога во големината на вашата половина.
Освен што ќе ги подобрите вашите прехранбени навики, можеби ќе имате корист и од подобрувањата во овие други области.
Вашата неделна рутина за вежбање треба да вклучува кардио тренинг и тренинг со отпор за најдобри резултати во струкот. За да управувате со стресот, практикувајте медитација или други навики за намалување на стресот. Сонот може да се подобри со создавање погодна средина и ограничување на времето поминато пред екран пред заминување во кревет.
Исто така, треба да ве охрабри фактот дека е можно да се забележи напредок за само 30 дена со доследност на добрите навики.
Внесувајте помалку шеќер
Ова не значи дека мора да се откажете од вашиот омилен десерт, но вашиот струк најверојатно ќе има бенефит од намалувањето на вкупниот внес на шеќери. Рафиниран шеќер може да се најде во пијалаците од кафе, газирани пијалаци, слатки, печива, зачини, житарки и широк спектар на друга преработена храна. Се чини дека шеќерот ја поттикнува дебелината, па затоа направете листа на рафиниран шеќер во вашата исхрана и обидете се да го намалите барем на половина. Користете помалку шеќер во утринското кафе, уживајте во парче темно чоколадо, наместо чинија сладолед за десерт и прескокнете ги слатките на работа, како полесно би слабееле.
Избегнувајте прекумерна глад
Стануваме сè позафатени и ги прескокнуваме ужините, што доведува до зголемен апетит за вечера. Ова може да доведе до прејадување и да ви го отежне намалувањето на половината.
Избегнувајте да бидете премногу гладни помеѓу оброците со грицкање во текот на денот. Ако јадете нешто на секои 3 до 4 часа, треба да избегнете прекумерна глад со тоа што ќе дозволите соодветни големини на порции за време на оброците. Погрижете се вашите закуски да содржат производи со помлаку протеини и масти.
Престанете да јадете 2 часа пред спиење
Што се однесува до времето на оброците, обидете се да го имате последниот оброк во денот најмалку 2 часа пред спиење. Истражувањата покажуваат дека јадењето премногу близу до времето на легнување во кревет може да доведе до зголемување на телесната тежина и поголем внес на калории, што ве спречува да ги постигнете своите цели.
Сè уште можете да уживате во парче темно чоколадо или чинија овошје за десерт, само оставете 2 часа за варење на храната пред да одите во кревет. Ова исто така може да го подобри целокупниот сон и да ги намали дигестивните симптоми, како што е рефлуксот.
Намалете го внесот на преработени јаглехидрати
Крекери, гранола и леб се погодни за да ги имате при рака како оброци и ужинки. Сепак, преработените јаглехидрати како овие имаат поголема веројатност да содржат додадена сол и шеќер и содржат адитиви и конзерванси кои можат да влијаат на вашето здравје и целите за витка линија. Иако е разумно да вклучите некои од овие производи во вашиот план за оброци, обидете се да задржите не повеќе од еден обработен јаглехидрат во секој оброк и да ги ограничите на своите ужинки. Затоа, ако имате сендвич за ручек, комбинирајте г со овошје или зеленчук, наместо со крекери. Јаткастите плодови со суво овошје, јогуртот со свежо овошје и морковите потопени во пире од авокадо се примери за ужинки кои не содржат преработени јаглехидрати.
Избегнувајте празни калории
Празните калории се оние од цврсти масти и рафиниран шеќер. Веќе зборувавме зошто треба да го намалите додадениот шеќер ако се обидувате да изгубите на тежина, но избегнувањето цврсти масти исто така може да помогне. Цврстите масти се богати со заситени или трансмасти и вклучуваат намирници како путер, маргарин, маст и животински масти.
Овие намирници обезбедуваат многу калории, но не и многу хранлива вредност.
Наместо да го намачкате вашиот тост со путер, обидете се со путер од кикиритки или авокадо.
Следниот пат кога ќе печете месо, избегнувајте говедско месо со видливи маснотии и одлучете се за немасна риба или живина, како би ги ограничиле празните калории.
