Квалитетната релаксација е поважна од кога било, со оглед на пандемијата и предизвиците што таа ги носи.
Еден начин за опуштање и ослободување од напнатоста е трчањето, но и кој било друг вид на вежба.
„Напнатоста што ја чувствуваме треба да се ослободи“, вели Инго Фробоиз, професор на Универзитетот за спорт во Келн.
Неговиот совет? Буквално можете да му побегнете на стресот со трчање. Вежбањето ослободува ендорфин и ги намалува хормоните на стрес. Покрај тоа, дури и умерено вежбање резултира со зголемено чувство на среќа и задоволство, покажаа студиите.
Но, ако сакате да го ослободите стресот на овој начин, внимавајте да не претерате.
Ако претерате со вежбање кога веќе сте нервозни, може да предизвикате спротивен ефект и да го подигнете нивото на кортизол, хормон на стрес.
Во идеални ситуации ќе вежбате надвор, на свеж воздух и дневна светлина што е исто така добро за вас.
Спортот ослободува хормони како серотонин и допамин кои помагаат во концентрацијата, го подобруваат расположението и го зголемуваат сопственото чувство на благосостојба, вели спортскиот научник Јохана Руп.
Многу е важно да изберете спорт во кој уживате. Ако вежбањето не е забавно за вас, тоа дури нема да помогне да се ослободите од стресот, туку едноставно ќе станете уште една „кавга“ со себе.
