Додик: Ако победи Трамп ќе прогласам независност на Република Српска!

Претседателот на Република Српска, Милорад Додик изјави дека верува во независноста на Република Српска и дека тоа ќе мора да се случи еден ден.

Додик рече дека тој може да биде одговорен за тоа во одредена перспектива.

Трамп за пресудата на Врховниот суд: Голема и важна победа за Америка
– Кандидатот на Републиканската партија за претседателска номинација Доналд Трамп денеска изјави дека одлуката на Врховниот суд на САД, која му дозволи да остане на гласачкото ливче во …
Џафери: Македонија гради европски вредности на соживот, мултикултурност и мултиетничност
Претседателот на Владата на Република Македонија, Талат Џафери, заедно со министерката за култура, Бисера Костадиновска Стојчевска, денеска за време на работната посета на Битола ги посетија НУ Завод …

„Кога Доналд Трамп победи во Америка, имав намера да прогласам независност на Република Српска, но тогаш некои луѓе околу мене се исплашија и не го направив тоа. Морам да кажам дека денес се каам што не го направив тоа. Но доколку Трамп повторно победи, мислам дека не би се двоумел“, изјави Додик за „ТВ Прва“.

Кога станува збор за американските санкции за него и неговото семејство, Додик рече дека нема право да ги жртвува националните интереси на РС заради својата погодност.

Тој истакна дека е горд на своето семејство, додавајќи дека тие се многу свесни и одговорни луѓе и дека се борат во животот, а тоа им пречи на Американците.

Додик додаде дека тој е избран функционер и дека има право да избере како ќе води политика.

„Клучното прашање околу мене повеќе не е криминалот, сега се’ се сведе на реторика, што им пречи и тоа е погубно за нив“, додаде Додик.

Зборувајќи за односите меѓу Србија и Босна и Херцеговина, Додик рече дека за Србија е релевантно Претседателството на Босна и Херцеговина, а не една третина од тоа Претседателство кое го сочинува Денис Беќировиќ, кој, како што наведе, е квазиисторичар и мрази се што е српско, кажува лаги, но нема потенцијал да направи ништо.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.