Сличен состав

Енергетските пијалоци се безалкохолни пијалоци со прилично висока содржина на кофеин. Во една лименка има кофеин и енергија колку што има во една шолја дупло еспресо. Повеќето енергетски пијалоци имаат сличен состав – вода, шеќер, кофеин, минерали, витамини и стимуланси. Здравствените ризици главно се должат на високата содржина на шеќер и кофеин.

Некои од енергетските пијалоци содржат и до осум пати повеќе кофеин од обичното кафе. Проблемот е што сè повеќе млади конзумираат енергетски пијалоци. Секако, енергетските пијалоци даваат енергија и ја поттикнуваат менталната активност, но таквата вештачка состојба трае неколку часа, а после тоа човекот почнува да се чувствува многу уморен и летаргичен.

МНОГУ ЕНЕРГИЈА

Телото добива краток излив на енергија и во исто време е подложен на силен стрес. Компонентите кои се присутни во составот на напитокот негативно влијаат на сонот. Покрај тоа, редовното консумирање на енергетски пијалоци ја зголемува веројатноста да станете депресивни, а ќе се појават и главоболки.

Енергетските пијалоци, кога се консумираат редовно, можат да предизвикаат сериозни проблеми со срцето, а како и секој стимуланс, тие го осиромашуваат нервниот систем и можат да предизвикаат зависност.

ЕДНА ЛИМЕНКА ДНЕВНО

Здравиот возрасен човек треба да пие една лименка пијалок дневно максимум, во спротивно постои ризик од покачување на шеќерот во крвта и скок на крвниот притисок. Една лименка енергетски пијалок на пример, содржи околу дваесет лажици шеќер. Ако ги користите овие пијалоци секој ден, тогаш дијабетесот и другите болести се неизбежни во иднина.