Мудра и поучна приказна за вистината и лагата

Оваа чудесна легенда крие во себе мудра приказна за вистината и лагата – дали сте доволно храбри да ја запознаете голата вистина?

Мудра и поучна приказна за вистината и лагата

Вистината и Лагата се сретнале еден ден. Лагата ѝ рекла на вистината: „Денеска е навистина прекрасен ден.“

Вистината погледнала во небото и со олеснување видела дека денот е навистина убав. Тие двете поминале многу време заедно, шетале по прекрасните ливади и стигнале до една река.

Тогаш Лагата ѝ се обратила на вистината: „Водата е преубава, ајде да се искапеме.“

Вистината проверила и сфатила дека водата е навистина пријатна. Ги соблекле своите алишта и почнале да пливаат. Одеднаш Лагата излегла од водата, се облекла но и ја украла облеката на Вистината и побегнала.

Вистината излегла од реката, обидувајќи се да ја пронајде Лагата и да ја земе својата облека.

Светот гледал во голата Вистина, со осуда, бес и со вртење на погледот. Тогаш таа се вратила во реката и дозволила течението да ја однесе засекогаш, криејќи го така својот срам.

Оттогаш, Лагата патува низ светот носејќи ја облеката на Вистината, задоволувајќи ги потребите на сите, затоа што светот сè уште не е спремен да ја запознае голата вистина, ниту пак има желба за тоа.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.