Вкупно 42 земји, вклучувајќи ја и Македонија, се вклучени во списокот на земји за кои Грција смета дека имаат „привилегиран даночен режим“ за даночната 2024 година. Ова се земји во кои правните лица подлежат на пониска даночна стапка од онаа што би се применувала доколку биле даночни жители или имале постојана деловна активност во Грција.
Министерската одлука за „Определување на земјите што имаат привилегиран даночен режим, врз основа на одредбите од ставовите 6 и 7 од член 65 од Законот 4172/2013, за даночната 2024 година“ е објавена во Службениот весник на Грција и потпишана од министерот и заменик-министерот за национална економија и финансии, Киријакос Пјеракакис и Димитрис Маркопулос, објави МИА.
Според одлуката на грчкото Министерство, земјите со „привилегиран даночен режим“ се дефинираат како оние земји во кои „правното лице или правното лице подлежи на данок на добивка, доход или капитал, чија даночна стапка е еднаква или пониска од 60 проценти од даночната стапка на правните лица и правните лица што би требало да платат според грчкото даночно законодавство“, доколку биле даночни жители или имале постојана деловна активност во Грција.
Врз основа на овој критериум, за даночната 2024 година, на грчката листа се вклучени 42 земји и територии.
Меѓу европските земји, покрај Северна Македонија, на листата се и Албанија, Андора, Бугарија, Кипар, Косово, Босна и Херцеговина, Црна Гора, Монако, Унгарија, Ирска, Лихтенштајн и Молдавија.
The post Грција ја става Македонија на листата на земји со привилегиран даночен режим appeared first on Во Центар.
