Александер Друеке (39) и Енди Хајн (27) биле заробени за време на жестока битка во близина на Харков минатата недела, велат нивни соборци.
За потсетување, судот на самопрогласената проруска Народна Република Донецк неодамна осуди на смрт двајца британски доброволци и еден Мароканец заробени во Мариупол.
Фаќањето на двајцата Американци во Украина ќе биде дипломатски чувствително, пишува „Телеграф“, бидејќи Кремљ би можел да се обиде да го искористи овој настан како доказ дека Америка е директно вклучена во војната. Владимир Путин, рускиот претседател, најверојатно ќе побара големи отстапки за да ги ослободи.
Еден соборец на двајцата заробени Американци, кој разговарал со „Телеграф“ под услов да остане анонимен, рекол дека тие биле заробени откако налетале на голема руска единица минатиот четврток.
