Здраво, брзо и евтино: Рецепт за наједноставно рижото како од ресторан – готово за 15 минути

Омилениот зеленчук и ориз ви се доволни за оброк за паметење.

Рижотото се подготвува многу брзо, а вака подготвено ќе биде превкусно и ќе посакате повторно да им го послужите на пријателите или вашето семејство.

Подготовка:
Оризот задолжително измијте го со ладна вода. Во тава со капак ставете една лажица масло за јадење и кратко пропржете го оризот.

Во друг сад на оган, ставете 2 шолји вода, додадете малку мешан сув зачин, а кога ќе проврие прелијте го оризот со течноста, па помешајте, а потоа намалете ја температурата на минимум и поклопете ја тавата со капак.


Гответе 10-12 минути без отворање на капакот.

Додека оризот се вари, во друго тенџере ставете малку масло за јадење, па пропржете замрзнат или свеж зеленчук по вкус, на пример мешавина од морков, пченка, грашок, црвена пиперка, па пржете 8-10 минути.

Откако ќе го направите тоа, во садот додадете го и оризот.
Промешајте убаво за да се соединат оризот и зеленчукот и додадете зачини по желба.
Пријатно јадење!

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.