Американската поп-пејачка и „кралица на попот“ Мадона и австралиската пејачка Кајли Миног ќе ја објават својата прва заедничка песна „Love Sensation (Afterhours Mix)“ во петок, откако премиерно ќе биде изведена во живо на настанот World Pride во Амстердам.
Мадона и Кајли Миног за прв пат настапија заедно со нова верзија на песната „Love Sensation“ на настан одржан во рамките на World Pride во салата AFAS Live во Амстердам, пишува американското списание People.
По тој повод, двајцата пејачи изведоа и дует од песната „Sorry“, а објавија видеа од нивниот заеднички настап и дружење зад сцената на своите сметки на социјалната мрежа Инстаграм.
Новата верзија на „Love Sensation“ ќе биде објавена низ целиот свет преку Warner Records.
Оригиналната верзија на песната, од најновиот албум на Мадона „Confessions II“, неодамна се искачи на врвот на американската топ листа „Dance Airplay“ на „Billboard“.
Уште во јуни, Мадона и Кајли Миног наговестија можност за заедничка соработка, но не сакаа да ги откријат деталите кога беа гости во емисијата на Греам Нортон на Би-Би-Си.
View this post on Instagram A post shared by Madonna (@madonna)
Двете првпат настапија заедно во март 2024 година за време на „Celebration Tour“ на Мадона во Лос Анџелес, кога изведоа преработка на хитот на Глорија Гејнор „I Will Survive“, како и а капела верзија на „Can’t Get You Out of My Head“ од Кајли Мино.
Кајли Миног, во интервју за списанието „People“ во декември минатата година, изјави дека настапот бил „неверојатно искуство“, додавајќи дека со задоволство би соработувала со Мадона доколку се укаже можност.
Албумот на Мадона „Confessions II“ , објавен на 3 јули, го освои првото место на листата на 200 најпродавани албуми на Billboard, а на него се појавуваат Сабрина Карпентер , Фејд, Строум и најстарата ќерка на Мадона, Лола Леон.
Мадона, благодарение на бројните хитови што го заземаа врвот на денс листите пет последователни децении, сè уште е изведувач со најголем број песни на првото место на денс листите во историјата, зацврстувајќи го својот статус како еден од највлијателните уметници на светската денс сцена.
The post Мадона и Кајли Миног ја објавија својата прва заедничка песна appeared first on Во Центар.
