Очекувам коалиционите партнери Албанци да имаат разбирање за Македонците околу уставните измени, вели во гостување во „Само интервју“ претседателот на ВМРО-ДПМНЕ, Христијан Мицкоски.

– Како што јас имам почит за 107.000 гласачи Албанци на ВЛЕН, очекувам и тие да имаат почит за 436.000 гласачи Македонци. Не сакам да разговарам врз ултиматум, во партнерството мора да има дијалог и да се темели на аргументи. Никој не е против европската иднина, напротив, јас сум прв кој сака да ја види Македонија во ЕУ, но не можам да го прифатам аргументот „земи или остави“, тоа е ултиматум и нема никаква врска со европските вредности, рече Мицкоски.