Уште кон крајот на минатото лето манекенката Бела Хадид, како и Ким Кардашијан во својот гардеробер ги сместиле фармерките со низок струк, но љубителите на модата не очекувале тоа да го најави нивното враќање во мода.
Светските модни куќи во текот на Париската и Миланската модна недела се обиделе да ги вратат фармерките со низок струк на голема врата.
Да ве потсетиме, овој модел се појави во текот на 90-те години, а врвот на популарноста го достигна во текот на 2000-те години. Потоа трендот го заменија фармерките со висок струк во кои може да се „спакуваат“ сите неправилности и да се истакне фигурата на тело, поради што жените веднаш ги прифатија и им станаа едни од омилените.
