Овој божествен освежувачки десерт ќе го воодушеви целото семејство, а идеален е за топлите денови што ни претстојат
Состојки:
700 г бисквити
1 л јогурт
300 г мелени бисквити
200 г шеќер во прав
1 кесичка ванилин шеќер
100 г црно чоколадо
350 г вишни
шлаг или слатка павлака
Издробете ги бисквитите на покрупни парчиња, додајте ги мелените бисквити, ванилиниот шеќер и шеќерот во прав и сето тоа добро измешајте го. Смесата прелејте ја со јогурт и повторно измешајте сѐ додека се соедини.
Половина од смесата сипете ја во калап или во подлабок среден плех и израмнете со шпатула. Врз смесата сипете го стопеното чоколадо, а потоа додајте ја другата половина од смесата во која сте ги додале и вишните. На врвот додајте шлаг или изматена слатка павлака. Оставете ја во фрижидер околу два часа, да се стегне.
Добар апетит!
