Здравствените придобивки од секојдневното консумирање лук се немерливи, но јадењето непреработен лук предизвикува непријатен од устата да излегува непријатен здив.
Лукот се смета за најдобар природен лек против вируси и настинки, а неговите лековити состојки се познати уште од дамнина. Препораките за секојдневно користење се особено актуелни во зима кога вирусите демнат насекаде.
Подолу ви претставуваме три совети кои беа поддржани од истражувањето на научниците од американскиот државен универзитет во Охајо:
Сирово јаболко
Јаболката содржат ензим кој на овошјето му дава потемна боја доколку долго се задржува во воздухот, но делува и како природен дезодоранс кој успешно го отстранува непријатниот мирис на лукот бидејќи ги неутрализира сулфитите.
Ако сакате да јадете лук поради неговите здрави својства, но сепак го избегнувате поради непријатниот мирис што го остава. Штотуку најдовте решение и отсега можете слободно да ја јадете оваа омилената намирница.
Сок од лимон
Уште една состојка која го неутрализира непријатниот мирис кој останува по консумирањето лук, е сокот од лимон. Посебно е делотворен ако сте јаделе толчен лук.
Имено, киселината во сокот од лимон го неутрализира ензимот алииназа кој се наоѓа во сировиот лук и кој е еден од причинителите на непријатниот мирис. Дали сакате да јадете свеж лук? Тогаш не заборавајте да испиете чаша сок од лимон откако ќе ја консумирате оваа здрава намирница.
Зелен чај
Зелениот чај има многу висока содржина на антиоксиданси наречени полифеноли. Како и кај ензимите во јаболкото, полифенолите се растителни хемикалии кои помагаат да се неутрализираат сулфурните соединенија што ги ослободува лукот.
Испијте топла шолја зелен чај по консумирање лук. Топлиот пијалак ќе го измие маслото од лукот што останало на јазикот или забите и ќе помогне да се освежи усната шуплина.
Се разбира, сите овие совети се одлични, но ако не сте сигурни за ефикасноста на овие намирници, тогаш користете лук преработен со храна. Термички обработениот лук има многу поблаг мирис и вкус.
