Околу 500 лидери и функционери од Велика Британија и од целиот свет беа во Вестминстерската опатија каде се одржа државната погребна церемонија на кралицата Елизабета Втора.
Многу членови на странски кралски семејства седеа спроти британското кралско семејство во црквата, објави Би-Би-Си.
Данската кралица Маргрете II седеше директно спроти британскиот крал Чарлс III.
Присутни беа и кралот и кралицата на Бутан, императорот и царицата на Јапонија, белгискиот крал Филип и кралицата Матилда, холандскиот крал Вилем-Александар и кралицата Максима и кралот Фелипе и кралицата Летиција од Шпанија.
Меѓу присутните се американскиот претседател Џозеф Бајден и неговата сопруга Жил, францускиот претседател Емануел Макрон, турскиот претседател Реџеп Таип Ердоган, Жаир Болсонаро од Бразил и кинескиот потпретседател Ванг Кишан, објави „Гардијан“.
Претседателот на Европската комисија, Урсула фон дер Лајен, претседателот на Европскиот совет, Шарл Мишел, претседателот на Италија, Серџо Матарела, претседателот на Германија, Франк-Валтер Штајнмаер и премиерката на Србија, Ана Брнабиќ, беа присутни и на церемонијата.
На државната погребна церемонија присуствуваа канадскиот премиер Џастин Трудо, австралискиот премиер Ентони Албанес и премиерката на Нов Зеланд Џасинда Ардерн и многу други.
Пронајдете не на следниве мрежи:
