Американскиот претседател Доналд Трамп донесе одлука . Како што ексклузивно објави „Волстрит џурнал“ , претседателот ја разгледува можноста за ограничен воен напад врз Иран со цел да го принуди Техеран да ги прифати неговите услови во врска со новиот нуклеарен договор .
Тоа е почетен, насочен напад што би имал силен политички сигнал, но во исто време би го избегнал ризикот од тотална војна и потенцијална голема одмазда.
Можен напад во наредните денови
Според информации од извори блиски до администрацијата, првиот удар – доколку добие конечно одобрение – би можел да следи во наредните денови. Целта би бил ограничен број воени или владини објекти , со цел да се зголеми притисокот врз властите во Техеран да се согласат со барањата на САД.
Спорот околу нуклеарната програма на Иран
Во центарот на спорот е иранската програма за збогатување ураниум. Трамп бара нејзино целосно прекинување, додека иранските власти засега го отфрлаат таквото сценарио.
Доколку Техеран го задржи својот став, Вашингтон е, според истите извори, подготвен да започне многу поширока воена кампања насочена кон клучните објекти на режимот.
Аналитичарите предупредуваат дека таквата операција би можела да има далекусежни последици за стабилноста на регионот, но и за целокупните односи меѓу Соединетите Американски Држави и Иран.
Ризик од ескалација
Иако засега се зборува за „ограничена акција“, можноста за ескалација останува отворена – особено ако одговорот на Техеран е посилен од очекуваниот.
Засега, администрацијата официјално не ги објавува овие наводи, но дипломатските и воените канали во регионот бележат зголемена активност, што дополнително ги поттикнува шпекулациите дека одлуката би можела да се донесе многу наскоро.
The post ТРАМП ДОНЕСЕ ОДЛУКА ЗА НАПАДОТ НА ИРАН! Откриени детали за првиот удар, еве ги целите на американската интервенција appeared first on Во Центар.
Пронајдете не на следниве мрежи:
