Американскиот претседател Доналд Трамп се закани дека доколку Иран ги нападне САД на кој било начин, ќе се соочи со моќта на американската војска „на нивоа што не се видени досега“.

Во објава на неговата платформа Truth Social, Трамп исто така рече дека САД немаат никаква врска со последниот напад на Израел врз Иран и дека „лесно може да се постигне договор“ за прекин на конфликтот. „САД немаат никаква врска со нападот врз Иран.

Доколку Иран нè нападне на кој било начин, целосната сила и моќ на американската војска ќе се спушти врз вас на нивоа што не се видени досега. Сепак, лесно можеме да постигнеме договор меѓу Иран и Израел и да го завршиме овој крвав конфликт“, напиша Трамп.