Фејсбук казнет со 265 милиони евра – еве за каква истрага станува збор

Ирскиот регулатор за заштита на податоци (DPC) денеска го казни Фејсбук со 265 милиони евра, со што вкупната казна на компанијата Мета достигна речиси една милијарда евра.
Казната произлезе од истрагата што почна во април 2021 година, а беше поврзана со откривањето на повеќе лични податоци од Фејсбук што беа достапни на Интернет. На Фејсбук му беше наредено да спроведе низа корективни мерки.

Новата казна е веќе четврта изречена од DPC на една од компаниите на Мета.
Во септември ирскиот регулатор го казни Инстаграм со рекордна казна од 405 милиони евра, што Мета планира да ја обжали.

Фејсбук казнет со 265 милиони евра, но треба да плати многу повеќе – еве за каква истрага станува збор

DPC ги надгледува Епл ( Apple), Гугл (Google) Тик Ток ( TikTok) и другите технолошки гиганти чие седиште во Европа се наоѓа во Ирска. Во моментов има 40 отворени истраги против такви компании, вклучително и 13 за Мета.
Ирскиот регулатор соопшти дека другите релевантни регулатори на ЕУ се согласиле со нивната денешна одлука, откако DPC минатиот месец ја сподели нацрт-одлуката според „едношалтерскиот систем“ (one-stop shop) на Унијата за регулирање на работењето на големите мултинационални компании.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.