Претседателката на Европската комисија, Урсула фон дер Лајен, изјави дека очекува земјите-членки на ЕУ да постигнат договор за финансирање на Украина на дводневниот самит што започнува денес во Брисел.

„Нема да го напуштам советот без решение за финансирање на Украина“, изјави таа пред новинарите пред состанокот, објави Ројтерс. За да можат да ги користат замрзнатите руски средства, лидерите на ЕУ прво ќе треба да ја убедат Белгија, која држи 185 милијарди евра од 210-те милијарди евра замрзнати во Европа, дека нема да биде оставена сама на себе доколку Русија поднесе тужба во меѓународни судови.

„Целосно ја поддржувам Белгија“, изјави претседателката на Европската комисија, според агенцијата.