Кралицата Елизабета Втора ги поминала последните часови од својот живот во нејзиниот замок Балморал во Шкотска.
На смртната постела, до неа, бил нејзиниот син и наследник – кралот Чарлс III.
Бакингемската палата објави дека периодот на жалост по смртта на Елизабета Втора ќе трае од сега до седум дена по погребот на кралицата.
„По смртта на нејзиното височество кралицата, желбата на неговото височество е кралот отсега до седум дена по погребот на кралицата да се почитува период на кралска жалост“, се вели во соопштението од Бакингемската палата.
Датумот на погребот ќе биде потврден во догледно време.
Заедно со неговата помлада сестра, принцезата Ана, тој бил покрај креветот на мајка си додека не починала.
Другите членови на кралското семејство не пристигнале навреме во Шкотска.
Принцовите Вилијам, Едвард и Ендру дојдоа веднаш по смртта, а принцот Хари дури вечерта, неколку часа откако во медиумите беше објавена веста за нејзината смрт.
Кралицата Елизабета почина вчера на 96-годишна возраст во замокот Балморал во Шкотска, соопшти Бакингемската палата.
Неа автоматски и без церемонија ја наследи нејзиниот син Чарлс.
По објавувањето на нејзината смрт, веќе се случија неколку значајни моменти, вклучително и нејзиниот син да стане крал Чарлс III, говор на премиерката Лиз Трас и почести од лидерите ширум светот.
Како што пишуваат Британците, Чарлс вчера наутро отишол во Балморал, откако лекарите го известиле дека на кралицата ѝ остануваат уште неколку часа живот, па сите постари членови на семејството побрзале да се простат со неа.
Бидејќи во собата за време на нејзината смрт биле само Чарлс и Ана, според неофицијални информации, Ана му ја бакнала раката како нов крал веднаш откако кралицата засекогаш ги затворила очите.
Двајцата помлади браќа го направиле истото, откако пристигнале во Балморал, како и синот, новиот престолонаследник Вилијам.
Да потсетиме дека по смртта на кралицата Елизабета Втора, која помина седум децении на тронот, нејзиниот син Чарлс автоматски стана нов крал.
Како што беше потврдено вечерва, новиот крал го избрал името Чарлс Трети, додека неговата сегашна титула ќе ја носи неговиот најстар син Вилијам.
На официјалниот Твитер профил на принцот Вилијам и Кејт Мидлтон веќе се внесени нови титули – војвода и војвотката од Корнвол и Кембриџ, што се титули кои претходно ги носеа новиот крал Чарлс и неговата сопруга Камила.
Пронајдете не на следниве мрежи:
