Серијата на Оклахома заврши во Минеаполис

Loading...

Екипата на Минесота стави крај на серијата од 12 последовни победи во кои се наоѓаше Оклахома Сити Тандер, откако на домашен терен славеше со 99:93.

Предводници на Минесота во победата беа Никола Пековиќ и Кевин Лав, но натпреварот го реши Џеј Џеј Бареа, кој 14 од своите 18 поени постигна во последната четвртина, кога и се решаваше прашањето на победникот.
Лав мечот го заврши со 28 поени, 11 скокови и 7 асистенции, додека црногорскиот репрезентативец Пековиќ имаше учинок од 24 поени и 10 скокови. Одличен меч кај Минесота одигра и рускиот интернационалец Алексеј Швед (12 поени, 12 асистенции и 7 скокови).
Двоецот Кевин Дурент-Расел Вестбрук вообичаено беше најефикасен во редовите на Оклахома – Дурент имаше учинок од 33 поени, 7 скокови и 6 асистенции, додека Вестбрук натпреварот го заврши со 30 поени, 11 скокови, 9 асистенции, но и 8 загубени топки.
Оклахома по поразот во Минеаполис има скор од 21 победа и само 5 порази.
Силата на шампионот Мајами ја почувствува Далас на домашен терен кој загуби со 95:110, Мајами во еден момент од натпреварот имаше предност од дури 36 поени.
Поради таквиот развој на настаните првите ѕвезди на Мајами, Леброн Џејмс и Двеј Вејд последната четвртина ја преседеа на клупата. Џејмс мечот го заврши со 24 поени и 9 скокови, а Вејд имаше учинок од 19 поени и 6 асистенции.
Екипата на Портланд, во дуелот со Денвер ја забележа четвртата победа во низа. Николас Батум (22 поени, 6 скока, 3 асистенции) го предводеше тимот до победата на Денвер со 101:93. Покрај Батум кај Портланд се истакнаа уште Метјуз (20 поени), Хиксон (18 поени и 18 скокови) и Лилард (12 поени и 10 асистенции). Игудала, Лосон и Бруер со по 13 поени беа најефикасни кај Денвер.

Макфакс

loading...
Loading...