Дебатите на форумите што се занимаваат со теориите на заговор, оваа недела навистина станаа интересно место, посебно откако една жена која наводно порано работела во НАСА, тврдела дека видела луѓе на Марс.Жената која се претставила како „Џеки“, ја повикала американската радио станица Coast to coast AM и рекла дека во 1979 година видела луѓе во скафандери како трчаат на површината на Црвената планета.
Џеки рекла дека работела на мисијата „Viking lander“ кога на екранот водела директен пренос во живо од површината на Марс.
„Се надевам дека ќе ми помогнете да ја решам 27-годишната мистерија“, му рекла на водителот.
„Стариот Викинг ровер возеше наоколу. Одеднаш забележав двајце луѓе во скафандери – не се оние вообичаени за употреба, туку со некои тајни, заштитни. Тие одеа кон роверот.“
Џеки вели дека вкупно шестмина вработени во НАСА ги виделе луѓето.
Во мисијата биле лансирани две летала „Викинг 1“ и „Викинг 2“, во период од неколку недели.
Секое од нив се состоело од орбитер и лендер, кои патувале скоро година дена до орбитата на Марс.
Тие ја фотографирале површината на планетата, а потоа се спуштиле. Орбитерите продолжиле со снимање и готово целата планета била мапирана во висока резолуција.
„Иако не се откриени траги од живот, Викинг ги откри сите елементи кои се потребни за живот на Земјата – јаглерод, азот, кислород, водород и фосфор“, соопшти НАСА.
„Постојат неколку проблеми во врска со нејзиното сведочење“, изјави Најџел Вотсон, научник и автор на книгата „Haynes, UFO Investigations Manual“.
„Пред сѐ немаше пренос во живо од слетувањето, а Викинг немаше тркала, како што има Кјуриосити. Со оглед на тоа дека сакаше да остане анонимна, не можеме да дознаеме дали навистина работела за НАСА“.
Од друга страна, физичарот Џон Бранденбург предупредува дека треба да се плашиме од можен напад на нашата планета и затоа треба да се пратат луѓе на Марс за да се открие вистината. (Види ЛИНК)Жената која се претставила како „Џеки“, ја повикала американската радио станица Coast to coast AM и р