Едукативни брошури „Како да се затоплуваме, а да не го загадуваме воздухот?“ за жителите на општина Кисела Вода
Информативни брошури на тема “Како да се затоплуваме, а да не го загадуваме воздухот” се делат во општина Кисела Вода. Проектот што го реализира оваа локална самоуправа, во соработка со градот Скопје има за цел да го едуцира локалното население за штетноста од несоодветниот избор на огревно дрво и штетноста од неговото несоодветно согорување. Брошурата што преку Секторот за месни заедници им се доставува на граѓаните нуди информации за тоа какво дрво треба да се користи при затоплување на домовите, како треба да се чува, кои производи не треба да се палат, како треба да се користат и одржуваат печките и оџаците, што треба да придонесе за заштита на воздухот и здравјето на луѓето, но и заштеда на финансиски средства.Ова не е прв проект на општина Кисела Вода за подигнување на јавната свест за заштита на животната средина поради зголемената загаденост на амбиенталниот воздух во зимскиот период. Имено, пред почетокот на грејната сезона оваа локална самоуправа спроведе кампања со џинглови на неколку радиостаници во кои беше укажано на штетноста од горење на влажни дрва, автомобилски гуми, стари весници или дотраен мебел или паркет за загревање на домот. Покрај апелот до граѓаните да ги користат дозволените суровини за затоплување, апелиравме и за редовно одржување на оџаците во објектите каде за затоплување се користи огревно дрво.Воедно, општина Кисела Вода е првата која во насока на заштита на животната средина воведе комплетно еколошки метод на греење со биомаса во неколку од градинките и училиштата од овој дел на градот. Предноста на овој систем е во тоа што користејќи овошни семки и пелети како енергенс, штетните емисии на јаглероден диоксид се сосема избегнати. Овој енергетски ефикасен модел на загревање постапно се применува и во останатите градинки и училишта во општината.Информативни брошури на тема “Како да се затоплуваме, а да не го загадуваме воздухот” се делат во општина Кисела Вода. Проектот што го
