Најголемата бразилска легенда Пеле, кој завчера почина на 82-годишна возраст безмалку целата своја кариера ја мина во Сантош, откако Бразил го прогласи за национално богатство, па практично беше спречен да оди во Европа и после трите светски титули (1958, 1962 и1970), па дури во 1975 замина од татковината и две години играше во Њујорк Космос.

А, во САД, каде фудбалот допрва требаше да се популаризира и во Космос играше најголемата германска легенда Франц Бекенбауер, има една урнебесна приказна во која главен актер е Хрватот Анте Џонлиќ, кој во тие 70-ти години му беше соиграч на „кралот на фудбалот“.