Тактоука е марокански специјалитет направен од динстан зеленчук и зачини кој прекрасно оди со топол леб или месо на скара…
Мароканската кујна е богата со јадења од зеленчук полни со вкус. Едно од нив е тактоука – топла салата од мек зеленчук која се служи како прилог или рустикален намаз за лепчиња и сендвичи.
Се подготвува од едноставни состојки: пиперки, домати, лук и маслиново масло.
Состојки за тактоука:
- 2 големи пиперки;
- 3 супени лажици маслиново масло;
- 4 големи домати;
- 2 чешниња лук;
- 2 лажици сечкан магдонос;
- 2 лажици сечкан коријандер;
- 1 лажичка чаден мелен пипер;
- 1/2 лажичка ким;
- 1 прстофат кајен пипер;
- 1/2 лажичка сол (или повеќе по вкус);
- 1/2 лажичка шеќер во прав.
Подготовка на тактоука:
Печете ги пиперките на скара или во рерна и вртете ги на секои 3 до 4 минути додека малку не загорат и омекнат. Ставете ги на чинија, покријте ги со крпа и оставете ги настрана да се излади.
Во меѓувреме, бланширајте ги доматите во топла вода, излупете ги, извадете ги семките и грубо исечкајте ги на парчиња од 1,5 см. Излупете ги и исечете ги пиперките на парчиња од 1,5 см.
Во длабока тава загрејте маслиново масло и додадете сечкан лук, па по десет секунди сечкан домат, зачини, билки, сол и шеќер. Мешајте повремено. Покријте и оставете да се крчка 10 минути додека не испари целата течност.
Пријатно!
Пронајдете не на следниве мрежи:
