Ви претставуваме рецепт за нискокалоричен домашен намаз, сос или паста, кој ќе го направите за кратко време, а ќе добиете доволно порции!Хумусот е едно од најпопуларните јадења од Блискиот Исток, кое може да се сервира како намаз, натопување или паста и најчесто се јаде со тортиљи, леб, пити итн.
Сепак, наместо да консумирате хумус купен од продавница, кој е збогатен со разни адитиви, обидете се да го направите сами – ќе бидете сигурни во тоа што јадете, а ќе добиете и вкусен и здрав додаток на вообичаеното мени.
Хумус од наут
Овој хумус се прави со само неколку состојки, за помалку од три минути, а порталот Lose Weight by Eating наведува дека има:
30 калории
1,2 грама масти
1,4 грама протеини
1,1 грама влакна
1 mg железо
45 мг калиум
14 mg калциум
3 mg натриум
3,8 грама јаглени хидрати
0,7 грама шеќер
0 mg холестерол
Состојки:
1 конзерва (400 грама) наут
2 чешниња лук
3 лажици свеж сок од лимон
2 лажици таан
сол и бибер по вкус
Подготовка
Извадете го процедениот наут од конзервата и ставете го во блендер. На тоа додадете чешне лук, сок од лимон, таан и половина од течноста од конзервата наут.
Додадете прстофат сол и бибер. Блендирајте додека не стане мазна и кремаста.
Доколку е потребно, додадете уште едно чешне лук и зачини. Ако сакате покремаст и полесен хумус, додадете по една лажица течност од наут додека не ја постигнете саканата конзистентност.
