Многу досегашни студии покажаа дека калинката не само што спречува, туку и лекува бројни болести. Помага во лекувањето на воспалителни состојби во нашето тело како што се артритис, висок крвен притисок, па дури и рак на простата или дојка.
Исто така, придонесува за отпорноста на нашето тело бидејќи го зајакнува имунитетот што ни е потребен за да се „бориме“ против потенцијалните вируси.
Според Healthline, редовното јадење калинки промовира губење на тежината. Диететичарите објаснуваат дека ова овошје е богато со антиоксиданси кои го забрзуваат метаболизмот, а со тоа го поттикнуваат и ослободувањето од вишокот килограми. Исто така, благодарение на бројните антиоксиданси, секојдневното консумирање калинки може значително да го намали ризикот од бројни хронични заболувања.
Калинката е и антиинфламаторна и го штити организмот од хронично воспаление. Диететичарите објаснуваат како секое хронично воспаление во телото може да придонесе за состојби како што се срцеви заболувања, дијабетес или рак. Ова главно се припишува на соединенијата наречени пуникалагини, за кои е докажано дека имаат антиоксидантни и антиинфламаторни својства.
Оваа храна е одлична и за одржување на здравјето на срцето и циркулаторниот систем. Причината е што калинката ја разредува крвта во телото и на тој начин успешно го спречува затнувањето на крвните садови. Така, ги штити нашите крвни садови и значително го намалува ризикот од многу проблеми, вклучително и срцев удар.
Пронајдете не на следниве мрежи:
