Извори на ТВ21 дознаваат дека претседателот Стево Пендаровски кому му завршува мандатот ќе се откажел од привилегиите кои му следуваат согласно законот и ќе се врател на старото работно место. Пендаровски, како што пренесуваат, најверојатно нема да користи државен кабинет со работници и доживотна државна пензија и ќе се врати да работи како професор на универзитетот Американ колеџ Скопје.

Како што дознава ТВ21, Пендаровски веќе започнал со консултации со бордот на универзитетот, но и со други соработници околу неговото враќање како професор.

Пендаровски како професор работеше и пред да ја преземе функцијата, претседател на државата. Тогаш студентите често знаеја да речат дека тој е нивниот омилен професор.

Преходните председатели Бранко Црвенковски и Ѓорѓе Иванов ги користат привилегиите од законот за екс председатели – пензија во висина на плататата на шефот на државата, кабинет со секретарка и автомобил со шофер. Пендаровски неодамна и јавно најави дека ќе се откаже од привилегиите кои ги користат неговите претходници и ќе се врати на работното место од каде што дојде на функцијата шеф на државата.