Три деца од скопското село Стајковци пред неколку дена биле нападнати од група малолетници во автобус на ЈСП во центарот на Скопје, соопшти МВР.

„Денеска во 11.30 часот во СВР Скопје, М.М.(53) од с.Стајковци, скопско, пријавил дека на 30.09.2024 околу 13.55 часот во автобус на ЈСП на подрачјето на Центар, неговиот малолетен син и двајца негови малолетни другари биле физички нападнати од други малолетници, кои употребиле и тврд предмет“, велат од полицијата.

МВР вели дека се преземаат мерки за расчистување на случајот.