Силно невреме со обилен дожд вечерва ја погоди Битола, каде улиците се поплавени низ целиот град, а општинските служби се мачат да обезбедат услови за одвивање на сообраќајот.

Најкритично беше во центарот на Битола, каде дел од раскрсниците се претворија во езера во кои беше опасно да се влегува и со автомобил.

Проблеми направи и големото количество вода кое се слеваше во пониските делови на градот, каде има поплавени дворови и подруми.