Невремето направи хаос во Скопје. На Единствениот број за итни повици 112 примени се над 1000 повици.

Центарот за управување со кризи информира дека е падната кровна конструкција од зграда на улица „Женевска“ бр. 10, при што се оштетени повеќе патнички возила. Регистрирани се и паднато дрво врз моторно возило на ул. „Методија Митевски“, на ул. „Никола Тримпаре“, како и падната кровна конструкција на ул. „Трифун Бузев“.
Исто така, пријавено е дека дел од кровната конструкција на ООУ „Владо Тасевски“ е откорната од силниот ветер. На ул. „Хелсинки“ бр. 5 се регистрирани две паднати дрвја, додека на ул. „Скупи“ бр. 89 паднати дрвја оштетиле електрични кабли, патничко возило и дел од куќа.
Во Куманово има пријава за падната кровна конструкција на булеварот „Октомвриска револуција“.
– За сите пријавени настани се известени и постапуваат надлежните служби, кои се на терен и работат на расчистување и отстранување на последиците од невремето, велат од ЦУК.

The post Скопје ги брои штетите од невремето, над 1000 повици appeared first on Provereno.

Пронајдете не на следниве мрежи:

• 
• 
• 
• 
• 
•