Според податоците на Евростат, земјите-членки на Европската Унија забележале пад на употребата на тутун и сродни производи во 2025 година, додека повеќето земји во регионот, Србија, Хрватска, Бугарија и Северна Македонија, забележале значително зголемување на потрошувачката на цигари.
Македонија е меѓу земјите со највисоки стапки на дневна употреба на тутун и сродни производи во Европа, при што речиси еден од четири граѓани над 16 години (22,5% во 2022 година) се дневни корисници. Иако стапката во Македонија е под просекот на клучните земји во регионот како што се Турција (29,6%), Србија (26,6%) и Бугарија (26,3%), таа е значително повисока од просекот на Европската Унија, кој изнесувал 16,5% во 2025 година.
Податоците на Евростат покажуваат дека во 2025 година, 16,5% од луѓето на возраст од 16 години и повеќе во ЕУ користеле тутун и сродни производи (електронски цигари, никотински кесички или загреани тутунски производи) секој ден, што покажува мало намалување во споредба со 17,5% забележани во 2022 година.
Меѓу земјите од ЕУ, Бугарија (26,3%), Шведска (23,9%) и Хрватска (23,6%) регистрирале највисоки стапки на дневна употреба на тутун и сродни производи кај лица на возраст од 16 години и повеќе. Холандија (9,9%), Ирска (11,7%), Белгија (13,6%) и Луксембург (13,8%) имале најниски стапки.
Србија има 26,6% пушачи, Црна Гора 23,8%, Хрватска 23,6% во 2025 година и зголемување од 2,7 процентни поени во споредба со 2022 година кога изнесуваше 20,9%.
Словенија има најмалку активни пушачи со 17,3%, што е намалување од 0,6 процентни поени во споредба со 2022 година кога изнесуваше 17,9%, и Албанија со 15,1% во 2022 година.
Податоците покажуваат дека 20,8% од мажите пушат секој ден, во споредба со 12,6% од жените.
The post Македонија е меѓу земјите со највисока стапка на употреба на тутун во Европа appeared first on Во Центар.
