Фудбалскиот клуб Вардар реагира по повод соопштението на Шкендија ден после натпреварот одигран на Арената „Филип Втори“ во кое се напаѓаат навивачите на нашиот тим за некоректно навивање.ФК Вардар е изненаден од фактот што ФК Шкендија својот фокус наместо да го насочи кон плеј-офот во Лигата на Европа како единствен претставник од Македонија кој треба достојно да ја претстави нашата држава како и почитување на правилниците на Фудбалската Федерација на Македонија за задолжително присуство на еден играч под 21 година во првиот состав на првенствените натпревари, се фокусира на навивачи и на нивното скандирање што е работа на Фудбалската федерација и на Министерството за внатрешни работи на Република   Македонија.
Доколку ФК Шкендија сака да го преиспита својот статус, ние ја информираме дека се лоцирани во Република Македонија, се натпреваруваат во рамките на Првата македонска фудбалска лига каде што во сезоната 2015/2016 заврши на второто место, а со тоа обезбеди пласман во квалификациите на Лигата на Европа од првенството на Република Македонија, а не од друга држава.
ФК Шкендија обвинува за националистичко однесување на навивачите, но заборава како се навива во Тетово кога тие се домаќини или кога се домаќини во мечевите од Лигата на Европа. Ги заборавија случувањата во минатите сезони кога нашите играчи и управа беа под постојан притисок од страна на симпатизерите на Шкендија со навредливи и националистички скандирања од трибините. Само за потсетување:
1. 24.09.2014 година – Куп на РМ
– Нашиот голман Игор Павловиќ беше удрен со камен притоа заработувајќи сериозни повреди на главата;
– скандирања и истакнувања на пароли „Голема Албанија“;
 – навреди кон македонскиот народ и други навреди
2. 19.10.2015 – натпревар од ПМФЛ
– Истите националистички и фашизоидни скандирања;
– навреди кон Европската куќа на фудбалот УЕФА;
– тогашниот капитен Златко Таневски во два наврати удрен со камен во пределот на главата и телото, исто така со сериозни повреди.
3. 16.08.2015 – натпревар од ПМФЛ во Куманово
– навреди на национална основа;
– нападната управата на ФК Вардар на трибините;
– демолиран автобусот со кој се превезуваа фудбалерите кои што чини колку целиот возен парк на ФК Шкендија.

4. Да не заборавиме дека навивачите на ФК Шкендија пред неколку месеци ја демолираа Националната Арена „Филип Втори“ во Скопје, објект кој што е во државна сопственост и е во интерес на државата.

Спикерот и претставниците на ФФМ на неделниот натпревар беа на висина на својата задача каде во повеќе наврати реагираа до публиката за фер и за коректно навивање.
Нема да дозволиме никој да генерализира против нашите навивачи затоа што се само испади на поединци. На ФК Шкендија и апелираме да си гледа во сопствениот двор, и вината за поразот да ја бара само во сопствените редови како и да си ги усоврши организациските способности и да започне да присуствува на координативните  тела пред секој натпревар (пред овој натпревар немаше претставник од нивна страна). Доколку не се во можност да ја подобрат организацијата и да ги почитуваат правилниците на ФФМ, ФК Вардар како шампион на Република Македонија е на располагање советодавно да им помогне како да ја подигнат организацијата на повисоко ниво.
На натпревар помеѓу ФК Вардар и ФК Шкендија каде што ФК Вардар е домаќин, ниту еднаш не била нарушена безбедноста на фудбалерите на Шкендија, на нивната управа како и на директорот на Шкендија, што не е пример кога Шкендија е домаќин.
Не се сложуваме дека на последниот натпревар не постоеја услови, напротив, имаше перфектни услови за одигрување на натпреварот и далеку подобри отколку кога ние играме на теренот на ФК Шкендија.
ФК Вардар како клуб секогаш се стреми и ќе се стреми да ги пречекува гостите на највисоко можно ниво и само на теренот да се добие вистинскиот победник. А, на трибините да воспостави ред и дисциплина со цел сите       гостински тимови да се чувствуваат безбедно.
На ФК Шкендија и посакуваме многу успех на натпреварот со Гент во Лигата на Европа во четврток.ФК Вардар е изненаден од фактот што ФК Шкендија својот фокус наместо да го насочи кон плеј-офот во Лигата на Европа како единствен претставник од М