Бугарската криптокралица које е основач на OneCoin, Ружа Игњатова, која Федералното биро за истраги (ФБИ) од САД ја стави на листата на десет најбарани бегалци во 2022 година е жива и живее во Кејптаун, пишува јужноафриканскиот магазин Кејптаун ETC.

САД во моментов нудат награда до 5 милиони долари за информации кои би довеле до апсење и осуда на Игњатова.

Неколку извори тврдеа дека таа била убиена, а имаше и тврдења дека Игњатова била „исечена на парчиња“ од мафијашки „бос“ и фрлена во Јонското Море уште во 2018 година.

Сепак, полицијата во Германија потврди дека проверува дали таа е жива и се крие во Јужна Африка.

Информациите за тоа каде се наоѓа Игњатова, кои укажуваа на Јужна Африка, првпат беа објавени во германскиот документарен филм „Die Kryptoqueen – Ruja Ignatova und ihr Milliarden-Betrug“ (Криптокралица – Ружа Игњатова и нејзината измама од милијарди долари).

Претходно и германското издание Шпигел објави напис во кој се наведува дека германските власти се сомневаат дека претходните извештаи за смртта на Игњатова се лажни. Оттогаш тие го свртеа своето внимание кон следење на Јужна Африка.

Се верува дека во текот на целата шема OneCoin, Игњатова ги измамила жртвите од повеќе од 4 милијарди долари.