Нема да се случи пратеник на Левица да земе патни трошоци, ќе го избркаме истиот ден од партија, нагласи лидерот на Левица, Димитар Апасиев во гостување во „Тешки муабети“ на Инфомакс.
Апасиев нагласи дека во големите партии владее клиентелизам, дека се купуваат гласови, работни места и слично.
– Јас не сум земал еден денар патни трошоци. Нашата генерална секретарка Јована Мојсоска ја прозва една пратеничка која рече дека немала како да оди во Собрание со 2.000 евра плата. Па како оди работник од Велес во Скопје на работа? – вели Апасиев кој додаде дека има максимална партизација и дека буквално „од чистач до портир“ минува на месен комитет за да се вработи.