Крем супа од морков е лесно да се подготви. Има прекрасен вкус, и по една чинија, ќе имате доволно енергија за цел ден.
За оваа супа (за четири лица) ќе ви требаат следниве состојки:
500 гр свеж морков
1 кромид
2 коцки путер
1 лажица брашно
1 чаша кисела павлака
зачини по желба: свеж магдонос, сол, бибер, зеленчук, …
Подготовка:
Морковот добро измијте го и исечкајте го на најситните делови. Пржете го кромидот во путер во длабока тава, додадете лажица брашно и полека мешајте со литар топла вода, мешајќи постојано.
Потоа додадете моркови и зачини по желба и варете околу 40 минути на тивок оган, мешајќи повремено. Кога ќе се свари супата, додадете кисела павлака и добро промешајте додека павлаката не се растопи.
Ако ви остануваат поголеми парчиња морков, промешајте ја супата со миксер неколку минути, додека не стане кремаста.
Послужете ја супата додека е топла, бидејќи не се препорачува загревање поради киселата павлака.
