Секоја домаќинка е среќна кога ќе направи вкусно јадење од неколку состојки, а сигурно ги имате сите овие состојки дома, затоа направете го овој вкусен оброк и израдувајте го вашето семејство со нов рецепт за вечера.
Состојки:
2 големи компири
масло
1 кромид
1 пиперка
сол
3 домати со средна големина
4 јајца
зачини
Подготовка:
Измијте го зеленчукот и исечете го на коцки. Прво, испржете ги компирите во масло, а потоа префрлете ги на чинија и пропржете ги кромидот и пиперките во истото масло. По некое време, додадете ги доматите. Додадете сол и промешајте. Кога доматот ќе почне да крчка, вратете ги компирите во тавчето, промешајте и направете 4 вдлабнатини во кои ќе ги скршите јајцата. Покријте ја тавата и варете 3-5 минути додека јајцата не се сварат. Зачинете и сервирајте.
Пријатно!
