Наместо од мелено месо, како за промена направете ќофтиња од грав.
Ќофтињата обично се прават од мелено месо, а кај нас народот обожава да ги комбинира со сос од домати и пире од компири.
Денеска ви носиме рецепт за вкусни ќофтиња од зеленчук кои ќе ви се допаднат на првиот залак, а чија подготовка не е нималку напорна. Комбинацијата од различни зеленчуци, мешунки и зачини е едноставно совршена, а со вака подготвените ќофтиња доволно е да се послужи само салатата.
Потребни состојки:
400 гр конзервиран грав
8 печурки
2 главици виолетов кромид
2 чешниња лук
1 лажичка сол
1 лажичка бибер
1 лажичка оригано
1 лажичка блага пипер
1 лажичка ким
1 јајце
8-9 лажици презла
1 лажичка сенф
200 гр конзервирана пченка
½ китка магдонос
маслиново масло
Подготовка:
Убаво изблендирајте еден кромид и печурките, па пропржете ги во тава во која сте загреале малку масло. Во блендерот додадете ги процедените грав, пченка, другата главица кромид и чешнињата лук и кратко изблендирајте. Потоа додадете зачини, јајца, презла, сенф и сечканиот магдонос и убаво измешајте со раце. Во добиената смеса додадете ги пржените печурки и кромидот и измешајте. Формирајте ќофтиња и пропржете ги.
