Ви носиме рецепт за пралини по примерот на познатите Моцарт топчиња од Салцбург, кој ќе им се допадне на сите љубители на чоколадо, ф’стак и марципан. Добар апетит!
Состојки за 30-на топчиња:
– 50 гр. марципан
– 100 гр. ф’стаци (несолени)
– 100 гр. чоколаден прелив по желба
– 150 гр. темно чоколадо
– 4 лажици крем за шлаг
Подготовка:
Околу еден час пред подготовката на топчињата, ставете го чоколадниот прелив во пластичен сад и замрзнете го. Измелете ги ф’стаците ситно. Со раце малку разредете го марципанот, па во него ставете ги измелените ф’стаци. Месете додека не добиете цврста и мазна смеса.
Рачно формирајте помали топчиња, ставете ги во плех и ставете ги во фрижидер на 15 минути, за малку да се изладат. Во секое топче направете мала дупка со палецот, во неа ставете малку од замрзнатиот чоколаден прелив и потоа со прстите повторно затворете го топчето, користејќи марципан и обликувајте. Кога ќе ги наполните сите топчиња, ставете ги во замрзнувач на еден час.
Темното чоколадо искршете го на коцки и ставете го во сад да се растопи. Откако ќе се излади, земете стапчиња за ражничи и на нив ставете ги топчињата, кои потоа ќе ги измешате во растопеното чоколадо. Откако ќе завршите со тоа, наредете ги во сад и ставете ги во фрижидер, за чоколадото малку да се стврдне.
Топчињата задолжително чувајте ги во фрижидер.
