Јадење што едноставно ќе го обожавате.
Крцкави, кремасти и вкусни: Рецепт за похувани пиперки со сирење
Потребни состојки:
3 јајца
100 гр брашно
4 лажици презла
200 гр сирење
4 пиперки
лажичка сол
масло за пржење
Начин на подготовка:
Измијте ги пиперките и наредете ги во плех претходно обложен со хартија за печење, па ставете ги да се печат 30 минути во загреана рерна на 200 Целзиусови степени. Ставете ги печените пиперки во кеса и оставете ги да се изладат, потоа излупете ги и отстранете ги дршките и семките.
Во сад измешајте ги сирењето, едно јајце и сол. Ставете две лажици сирење во секоја пиперка. Во чинија изматете ги преостанатите јајца, а во други две чинии ставете ги презлата и брашното. Испрпелајте ги пиперките прво во брашното, потоа во јајцата и на крајот во презлата.
Ставете масло во тавата, почекајте да се загрее, а потоа ставете ги пиперките да се пржат. Кога ќе бидат готови, ставете ги на хартиена крпа за да се исцеди вишокот масло
