Состојки
1 мисирка(околу 4,5 килограми)
125 гр путер
2 портокали
2 лимони
2 јаболки
4 моркови
2 главици кромид
Од зачини сол,црвен пипер,црн пипер,зачин од сушен зеленчук
Мисирката најпрво ја премачкуваме со путерот под кожата. Лесно се одвојува кожата, па ќе немате проблем со тоа. Ја премачкуваме целата мисирка и однадвор и однатре со зачините заедно измешани. Портокалите, лимоните, јаболките, морковите и кромидот ги сечеме на парчиња. Ја полниме внатре со нив, а остатокот го ставаме во тавата во која ќе ја печеме. Со конец ги врзуваме копаните и ја ставаме врз парчињата зеленчук и овошје. Во садот ставаме околу 50 милитри масло и 200 милитри бело вино.
Мисирката ја печеме 4 часа, (колку килограми е мисирката,толку часови се пече), на 160 степени. Во текот на печењето се врти и на двете страни.
