Брза пита која може да ја подготвите за појадок или за вечера.
Состојки
500 грама тенки кори
2 јајца
2 павлаки
масло
1 кромид
200 грама сувомеснато или сецкани пилешки гради
2-3 лажички гриз
Подготовка
На малку масло пропржете го месото или сувомеснатото. Во длабока чинија ставете ги павлаките, додадете ги јајцата и гризот и добро изедначете ја смесата.
Раширете една кора и премачкајте ја со павлаката, постапката повторете ја со втората и третата кора. Нанесете 3-4 лажици од филот со прженото месо на кората, свиткајте ги краевите и замотајте ролат.
Постапката повторете ја се додека имате материјал.
Оставете две лажици од филот со павлака и со четка премачкајте ги ролатите.
Се пече на температура од 200 степени околу 30 минути. Послужете со јогурт или кисело млеко.
